| 一朝驚醒已在目前 怎麼走了這麼遠 屆指一算突然發現 很多好戲已上演 離原本想的有些遠 好比揀選歌舞的路線 但拍了一齣打鬥片 誠實地 無懼地 隨遇地 行過去 彈指間 第幾關 原來都走到這裡 別說出發以後習慣失去 鮮花開過掌心裡 把握青春最後十年 珍惜中午的光線 很多支票未曾兌現 只因長大了看穿 成名得獎一概不算 不可更改的最佳路線 何謂幸福秒秒在變 我相信2009係注定要徹底改變的1年。上天其實自我畢業以來都十分眷顧我，一直想試的都試到了，連之前任性的行為都可以為我帶來更好的東西，我真的好怕我的運氣會有用完的一天...... 原來一直好嚮往的東西往往要試完先知適唔合自己，不過唔襯自己年輕時去試下又點會甘心呢?想試而又有機會去試，那才稱得上無憾!!!! 其實我心底裡一向唔介意好boring的工作，但偏偏我就做左要勁active、 require communication skills的工作。我覺得所謂的 "唔適合" 其實同能力係冇關係，我知我一定會做到，我亦都覺得好好玩，但就係缺乏左一種熱情去為向上爬打倂，可能我真係一個冇咩大志的人啦!!!!!  或者付出1年時間去讀書未必可以保證未來，但唔大膽些放手一搏根本咩都冇可能改變! 生日後覺得自己已經不再年輕，再唔為自己訂下明確目標那就太遲了! Well, 未來半年要好好努力工作，努力save money 讀書，要轉變就一定要作出某程度上的sacrifice! GOGOGO!  |
| |
| 這兩個星期真係好煩，公司有十萬樣野令人忐忑不安，工作量大增的同時又要交Assignments, 情緒真係跌到落谷底。或者以前真係未試過面對逆境，而家要好好再提升下自己的Adversity Quotient。 坦白說，而家個個都怕公司的lay-off plan，但我覺得就算worry 都係冇用，反正要來的始終都會來，不過就算唔到你自己，望見其他人被炒，心中還是會有一種無形的壓力會令你喘不過氣來。 這幾天發生了一些事實在令我感到這個世界真是變幻莫測，高層的爭鬥實在太過厲害，連某個部門的MD 都可以在這兵荒馬亂的日子無啦啦被拉下馬，當中究竟發生什麼事我們這些小職員唔會知，但我只知未來日子將會有重大轉變，至於變成點真係冇人可以預計到。 配合這幾天的心情，對Kay’s《喜帖街》某幾句歌詞真係好有感觸： 忘掉種過的花 重新的出發 放棄理想吧
別再看 塵封的喜帖 你正在要搬家
築得起 人應該接受 都有日倒下
其實沒有一種安穩快樂 永遠也不差
就似這一區 曾經稱得上美滿甲天下
但霎眼 全街的單位 快要住滿烏鴉
好景不會每日常在 天梯不可只往上爬
愛的人沒有一生一世嗎 大概不需要害怕 忘記砌過的沙 回憶的堡壘 剎那已倒下
面對這浮起的荒土 你注定學會瀟灑
階磚不會拒絕磨蝕 窗花不可幽禁落霞
有感情就會一生一世嗎 又再婉惜有用嗎 一個幾高職位的人都可以轉眼間被人拉番落黎，正如人生一定會有浪花捲起一樣，現階段可以做的就是尋求方法好好減壓。 真的多謝my babies and Mr.Leung對我的體諒與關懷~~~~ I love u all. |
| |
| 今天忙到一頭煙…因為昨天我ass. Manager 突然間接到 "大信封"走左。雖然仲有個最大阿姐係度，但明知她唔會幫到我任何野，所以根本全無定驚作用。 說沒有壓力就是假的，所有野突然間落在我身上，我真的很怕自己會做唔來。 縱使我有十萬個想逃避，但現在我唯一可以做的就是 “頂硬上”，唔 “頂硬上” 又可以點？尤其係今日我更加深深感受到原來當你遇上困難時，你根本唔駛旨意有人幫到你(好明顯今天我大阿姐仲出左去蛇王)，最後可以靠的都只會係你自己一個。或者人在充滿困難的環境下先會學得最多同最快，由今天起一定會勁OT ，但我相信現在的辛苦就是為未來鋪路......真的要好好加油。 在這兩天，我亦感受到人愈大真係會覺得好多野係 “理所當然”，阿姐突然走左，今天返到公司90%還是若無其事般，只有我們幾個初生之犢暗嘆殘忍，可見我們真係實在太天真，完全未融入到真正的社會。 |
| |
| 個postgraduate Dip. 已經進入最後直路，或者10月至12月中要認真地閉關衝多份assignment 加Final Project~~~~ 原來選擇用1年完成原本2年先讀完的course 都冇話handle 唔到，相反在time-management 方面有好大的得著。或者真係長大了，以前大學冇野做都會走堂，而家返左工反而無論幾tired 都會堅持去上堂，比左幾萬元，總要比自己覺得值先得~~~~ 不過，這10個月以來發現自己認識的東西實在太少太少，以前覺得好interesting 的行業原來係極級艱辛；讀practical 大於一切的科目雖然唔駛考試，好似好他條，但其實真係極級有難度，份份功課都弄至焦頭爛額。Communication這個字看來好簡單，但內裡牽涉的東西實在太多太多，讀完反而覺得自己唔係太適合在這行發展~~不過讀書唔會話浪費的，未來係點真係順其自然啦~~~~~ 或者今天聽完個Briefing of Final Project 之後真係有d 驚自己做唔到份野，Proposal Pitching, lobbying, Campaign launching etc. 等所有野都要一次過用番出來，忐忑不安簡直係現時心情的寫照。Anyways, 從來看成績都唔係太重，或者是時候嘗試下挑戰自己。 比我hea 埋9月剩下的日子…10月我要好好努力~~~~~ |
| |
| 眨眼間1年又過去了，上年的8月13日是我正式踏入社會的日子，雖然我已習慣了上班下班的 “零驚喜” 生活，但仍有很多公司人事上的東西仍未習慣兼看不過眼呢!!這1年在工作上真的接觸了很多從前想也沒想過要接觸的東西，眼界擴闊了很多，不過我覺得我仍然有勁大的 "成長" 空間...... 除了工作以外，每星期要上6小時堂再加勁多assignments，仲要practice Piano，有時真係會令我有窒息之感，不過自問time management 的能力尚算不錯(大學時已經練到爐火純青掛......)現時已完全適應這種生活，另一方面仲可以平衡到各方面的生活!!!!!! 最近跟Carol去學跳舞，發現原來真係幾好玩，雖然原先的目的係減肥，但看來應該唔係太得，所以都係當做運動算了.....well..... 這星期無論幾點返屋企都係看奧運重溫，這兩天更是比體操比賽深深吸引著，中國隊真係好鬼勁!!!!!!!!勁想留在家看奧運呀!!!!!!!!!!!!!!!!!!!!!! |
| |
